1. Həcc edən ifadə təvafından və səydən sonra Minaya qayıdır və orada on birinci və on ikinci gecəni gecələyir. Bu gecələmə hər kəsə vacibdir. Yalnız çobanlar, insanlara su verənlər və buna bənzər işlərdə çalışanlar müstəsnadır. Çünki Peyğəmbər s.a.v. çobanlara və insanlara su verənlərə Minada gecələməməyə icazə verib. Buna görə Ömər a.r.o. deyirdi: "Hacılardan heç kəs Əqəbədən (yəni, daş atılan yerdən) bayırda gecələməsin". Həmçinin bu iki gündə daşlar zəvaldan (gün əyiləndən) sonra atlmalıdır. Onları atmaq vacibdir. Zəvaldan öncə daşları atmaq olmaz. Çünki Peyğəmbər
s.a.v. daşları yalnız zəvaldan sonra atardı. Əgər buna icazə verilsəydi Peyğəmbər s.a.v. daşları ümmətinə rahat olsun deyə zəvaldan qabaq atardı. Daşları atarkən bu tərtibə fikir vermək lazımdır:

Həcc edənlər Məkkədən çıxmaq istədikdə vida təvafı etməlidirlər. Çünki Peyğəmbər s.a.v. buyurub: "Sizlərdən biriniz Kəbəni təvaf etmədən oradan çıxmasın" (Müslim). Həmçinin Ibn Abbas a.r.o. deyir: "Insanlara sonuncu olaraq Kəbəni təvaf etmək əmr olunmuşdur. Yalnız heyzli qadınlar müstəsnadır" (Buxari və Müslim). Heyzli və nifaslı qadınlara vida təvafı vacib deyil. Aişə a.r.o. deyir: Səfiyyə ifada təvafından sonra heyz olmuşdu və Peyğəmbər s.a.v. ona: "(vida təvafı etmədən) çıxa bilərsən" - dedi. (Buxari və Müslim). Yeddi dövrə təvaf edir. Məqami Ibrahimin arxasında iki rükət namaz qıldıqdan sonra məsciddən çıxır. Bu zaman məsciddən çıxarkən oxunan duanı deyir və yola düşür.

1. Peyğəmbərin s.a.v. məscidini ilin istənilən vaxtı ziyarət etmək müstəhəbdir. Buna müəyyən bir vaxt təyin edilməmişdir. Belə ziyarət həccin əməllərindən deyildir. Buraya Peyğəmbərin  qəbrini ziyarət etmək niyyəti ilə gəlmək düzgün deyil. Çünki yalnız üç məscidə: Məscidul Hərama (Kəbəyə), Peyğəmbərin s.a.v. məscidinə və Əqsa məscidinə ziyarət edilə bilər. Mədinənin kənarında yaşayanlar isə qəbri deyil, ancaq məscidi ziyarət etmək üçün gəlməlidirlər. Məscidə gələnlər Peyğəmbərin s.a.v. və əshabının qəbrlərini ziyarət edə bilərlər. Peyğəmbərin s.a.v. məscidində namaz qılmağın fəziləti çoxdur. Peyğəmbər s.a.v. buyurub: "Mənim məscidimdə qılınan namaz, məscidul həramdan başqa məscidlərdə qılınan namazdan min dəfə xeyirlidir. Məscidul həramda qılınan namaz isə digər məscidlərdə qılınan namazlardan yüz min dəfə xeyirlidir" (Ibn Macə və Əhməd. Albani bu hədisin etibarlı olduğunu bildirib).